आवो मिलो जुमलो करो, रल मिल जमो कराय

दोहा

गाड़ी जोड़ गांव सू, सुणे सुगन निरधार।

निकसत ही सामें मिल्यो, लोहट जी पंवार॥ १॥

देखत ही दुबलो भयो बोल्यो वचन करूर।

दाणो एक न होयसी, पड़सी काल जरूर॥ २॥

सवैया

चैत चमंकी बीज मेघ मन्डयो चहूँ औरां

बिरखा भई असरार छापर निंबी के धोरां।।

गोवल गये महाराज जाय दुणपुर बसायो।।

जंगल मिल्यों एक जाट देखत उल्टो आयो।

लोहट मन में सोच विचार अन्न खन्न ले बन में गयो।

सायब सांचे स्याम ने आय दर्श तांहि दियो।।