आवो मिलो साधो मोमणो, रल मिल जमो रचाय । टेर।

आवो मिलो साधो मोमणो, रल मिल जमो रचाय । टेर।

साधु सिदक मिल जोइया, विष्णु विष्णु भणाय

विष्णु भण्यां भव ऊधरै, जन्म मरण मिट जाय।

जां बाह्यो ताहीं लुण्यो, बिन बारयां पछिताय।

बाहै बीज न बीजियो, पीछै हाथ मलाय।

हाथ मल्या पीछे क्या होवे, खिल सुखी रह जाय

लुणो चुणो साधो मोमणो, सबल गांठि की जाय।

काज सबल बेड़ै चढो, भवजल पार लंघाय

सुपहा स्वर्गे नावड़या, कुपहा दोरै जाय।

मनसा भोजन मनसवी, हरि दीदार मिलाय

वील्ह कहे गुरु भाइयो, करणी साच तराय।