जीव नै । टेर।

जीव नै । टेर।

विष्णु विसार न जाय रे प्राणी, तिंह सिर मोटो दावो । 1।

दिन दिन आव घटंती जावै, लगन लिख्यो ज्यों सावो। 2।

काला केश कलाहल आया, आयो ( छै ) बुग बधावो । 3।

पालटिये गढ़ कांय न चेत्यो, घाती रोल भनावै । 4।

ज्यों ज्यों लाज दुनी की लाजे, त्यों त्यों दाब्यो दावो । 5।

भलो हुवै सो करै भलाई, बुरियो बुरी कमावै । 6।

दिन को भूल्यो रात न चेत्यो, दूर गयो पछितावै । 7।

गुरुमुख मूर्खों चढै न पोहण, मन मुख भार उठावै । 8।

धन को गरब न कर रे मूर्खा, मत धणियांनै भावै । 9।

हुकम धणी को पान भी डूबै, सिला तिर ऊपर आवै । 10।

चावल उडै तुस रहेला, को बाइंदो बावै । 11।

षिण ही मासो षिण ही तोलो, षिण वाइंदो वावै । 12।

षिण मेघ मंडल होय बरसै, षिण चाबायो बावै । 13।

षिण ही जाय निरंतरि बरसे, षिण ही आप लखावै । 14।

षिण ही राज दियो दुर्योधन, लेता वार न लावै । 15।

सोवन नगरी लंक सरीखी, समंद सरीखी खाई । 16।

महारावण सा बेटा जिहिं के, कुंभकरण सा भाई । 17।

जिण रे पाट मंदोदर राणी, साथ न चाली साई । 18।

जर जंवराणां सकल बांध्या, फेरी आपण राई । 19।

जिण रे पवन बुहारी देतो, सूरज तपै रसोई । 20।

वासन्दर ज्यांरा कपड़ा धोवै, कोंदु दल वहाई । 21।

नवग्रह रावण पाये बंध्या, कूवै मींच ( मौत ) संजोई । 22।

तिण हुं विसनजी री खबर न पाई, जांतै वार न लाई । 23।

गुरु प्रसादे हुयो पोह वीदो, मानी विसन दुहाई । 24।

चांद भी शरणै सूर भी शरणै, शरणै मेर सवाई । 25।

धरती अरु असमान भी शरणै, पवन भी शरणै वाई । 26।

सूर आकाशे शेष पंयाले, सतगुरु कहे तो आवै । 27।

भगवीं टोपी थल सिर आयो, करियो जो फुरमावै । 28।