जी हो । टेर ।

जी हो । टेर ।

मिलो जमाती और गुरु भाई, जां मिलियां दिल खुलै

खुलै सकल म्हारा सतगुरु बोल, दिल ताला दिल खोल ।

टाके तोले देवजी रतिये माशे, तुल चड़ि आप केसा है

बड़ सौदागर जंभराज लालड़ीयो, हीरालाल वेशा है ।

दशबन्ध खरचो गुरु को कंवल संभालो, जो साहिब के मन भावौ

हरख सुर मिलै नौरंगी, उत पायल कोड रचावौ ।

सुर तेतीसां म्हारो मेलो करावो, नूरे नूर मिलावौ

होद सरोवर को म्हानै इधक उमाहो, नित होद सरोवर न्हावौ ।

रतन काया मिलै नवरंगी, बहुड़ि न इण खंड आवौ

सुर तेतीसां म्हारो वास करावो, पटो अमर लिखावौ ।

संभरथलि सतगुरु प्रकास्यो, कथ केवल ज्ञान सुणायो

हम गुनेही गुरु म्हारो पूरो दाता, गुन्हो मफ करायो ।

कथ परमोधा ‘गुणदास’ बोलै, आवागवण चुकावौ ।